كتب- باسل عبدالغني
تزامنا مع اقتراب شهر رمضان المبارك، وبحث الكثيرين عن التغذية الصحيحة والمواعيد المناسبة لممارسة التمارين الرياضية والذهاب إلى “الجيم”، أجرى موقع “بيان” حوارا مع الكابتن سما محمد، مدربة فتنس، والتي استطاعت أن تحجز لنفسها مكانا كبيرا في هذا المجال بل وتفوقت على كثير من الرجال .
اقرأ أيضا..5 نصائح مهمة لعلاح ظاهرة تساقط الشعر عند مريض كورونا
وإلى نص الحوار
- في البداية كيف دخلتي عالم الفتنس ؟
شجعت نفسي بنفسي للدخول إلى عالم الفتنس، وكان عندي فضول إني ادخل المجال ده، لإني من صغري وأنا بلعب رياضة، والموضوع بالنسبالي كنت عاوزه اخرج طاقتي السلبية في المجال ده، وأهلى كمان شجعوني.
- هل ترين أن مجال الفتنس رجالي أكثر منه نسائي؟
زمان مجال الفتنس كان رجالي اكتر فعلا، أما دلوقتي بقي في مدربات بنات كتير، وبكده مبقاش في فرق بين الجنسين.
- ما الفرق بين الفتنس وكمال الأجسام وما هو الأفضل للجسم؟
كمال الأجسام بتعتمد على طلوع البطل على مسرح، أما الأفضل للصحة هو الفتنس، كمال الاجسام ممكمن يؤدي لأضرار كتير زي الناس اللي بتستخدم هرمونات.
أما بالنسبالي الفتنس هو اللي بيهتم بالصحة أكتر، بس كمال الأجسام بيبقي حلم ناس كتير.
- هل بالفعل المكملات الغذائية التي يتم تناولها في صالات الجيم خطر على صحة الإنسان ؟
المكملات الغذائية مش خطر على صحة الإنسان طالما بتتاخد بالمعقول وتحت إشراف متخصص.
- ما هي أفضل طريقة لزيادة الوزن بدون مكملات أو أدوية؟
اهم حاجة في زيادة الوزن عمل تحليل غدة درقية وتحليل ديدان، والنزول للجيم، وتناول طعام اكتر من احتياجاتك في السعرات الحرارية.
- أفضل طريقة أيضا لانقاص الوزن ؟
انقاص الوزن إنك تاخد أقل من احتياجاتك في السعرات الحرارية، وتهتم بنسبة البروتين في الطعام، وتتناول الطعام بشكل مناسب، وتستمر على الذهاب إلى الجيم.
- هل فعلا كثرة التمارين في صالات الجيم مضر للعضلات؟
كثرة التمارين مضرة للصحة بشكل عام، لأن أي حاجة بتزيد عن حدها بتنقلب للضد.
- أفضل موعد للتمرين في شهر رمضان ؟
أفضل موعد للذهاب للجيم في رمضان بعد تناول الإفطار بساعتين.