كتب: على طه
هذا حوار متلفز جرى ما بين د. حسام بدراوى، بصفته أحد أبرز وجوه النخبة السياسية، وأحد أبرز أقطاب الحزب الوطنى المنحل بفعل ثورة 25 يناير، والمحاور هو الكاتب الصحفي إسلام كمال، رئيس تحرير وكالة الأنباء المصرية “إندكس”، الذى سدد رميات مباشرة ليخرج ما فى عقل بدراوى على لسانه، طارحا قضايا الحاضر وجدلياته، على خلفية الماضى السياسى، والاجتماعى الذى كان بدراوى طرفا فاعلا فيه.
الحوار نطرق إلى رؤية بدراوي للانتخابات البرلمانية، والمشهد السياسي، والمتاحف، والعلاقات العربية، ومستقبل القيادة في المنطقة، وفى التالى التفاصيل:
المشهد الانتخابي
عن المشهد الانتخابي لبرلمان 2025 قال بدراوى: “الحقيقة أنا مش سعيد بالانتخابات، وأرجو ألا يمس هذا الوضع تعديلات دستورية في المرحلة السابقة للانتخابات الرئاسية”.
وأضاف “بالعقل والمنطق، لازم يكون في تجربة جديدة. ومع كامل احترامي للدكتور مصطفى مدبولي، لا نريد أن نعيش في حالة دُجْمة: ‘كنت فين؟ وأنت كنت فين؟’.”
وعن المتحف المصري الكبير ومسؤولية إنجازه قال: “فاروق حسني كان وزير الثقافة وعنده مسؤولية، واللي اتخذ القرار بالمتحف هو الرئيس حسني مبارك.
ولما نتحدث عن المتحف، بنتكلم عن الرئيس اللي أصدر القرار وعن الوزير المسؤول. موضوع أبناء الرؤساء ده موضوع آخر تمامًا.”
الفكر الاستثمارى والمقارنة بدول أخرى
عن فكر الاستثمار في مصر قال: “اللي اتزرع في ذهن المجتمع عبر السنين إننا مش عايزين حد يستثمر في مصر خوفًا من إن ده يخلينا تحت طائلة اقتصادات دول أخرى… الكلام ده مش مظبوط.
وافتتاح المتحف بالشكل اللي حصل قدّى للناس أمل وخلاهم حاسين بقيمة بلدهم.”
عن المقارنة مع الدول الأخرى، قال: “ساعات الناس بتقارن مصر بدول تانية، لكن افتتاح المتحف والحضارة المصرية ورّتك إنك في مكان تاني خالص.”
عن علاء عبد الفتاح وباسم يوسف قال: “أنا واحد من اللي مضوا على وثيقة تطالب بالإفراج عن علاء عبد الفتاح… رغم إني معرفهوش، ورغم عدم اتفاقي مع آرائه السياسية، لكن كان ليه حق يخرج بالقانون.”
وأضاف: “اللي عمله باسم يوسف بشأن موضوع غزة في أمريكا… مؤسسات كاملة ماعملتهوش.
مش عارف نتائج اللي عمله هتبقى إيه، لكن ماعنديش رأي غاضب منه إطلاقًا.”
مواقفى
وعن نفسه وثبات مواقفه قال: “اللي بقوله النهارده هتلاقيه على حساباتي أيام حسني مبارك… البعض مش شايفني كده دلوقتي، لكن مواقفي ثابتة.”
عن شروط الترشح للرئاسة قال بدراوى: “منصب رئيس جمهورية مصر منصب بالغ الأهمية.. وماينفعش حد يترشح من غير ما يكون وراه قاعدة شعبية أو حزبية واضحة. إنك تكون ‘راجل كويس’ مش كفاية.”
غزة وحماس والسعودية
عن غزة وحماس والحدود قال: “أنا لو حماس هي اللي على حدودي كدولة… فأنا في خطر أكبر من إسرائيل.
وبرأيي إن مصر والسعودية هما المحور اللي ممكن يقف قدّام الزحف الصهيوني على المنطقة.
عشان كده هتلاقي كل الأسافين والوقيعة دايمًا بين مصر والسعودية.”
عن الفرق بين الكلام والفعل قال: “الكلام غير الفعل. وإحنا لما نيجي نعمل حاجة بيقابلنا تحديات على الأرض. غير وإنت قاعد وتحط رجل على رجل.”
سوريا
وعن سوريا ورئيسها الحالى أحمد الشرع قال: “لا تاريخه ولا سلوكه (الشرع) يطمئنّني. وبرأيي هو مرحلة وسطية بين حاجتين… ده رأي المدني.. ومش فاهم ليه بنقول مسلم أو غير مسلم… المسألة مش دينية بالنسبة له أصلاً.”